روايه حب مجهول الهويه الجزء الثامن

وباباه ومامته وسألوني عن حالة ماما وقالي انه كلم شاكر عشان نجهز ونروح معاه نشتري الشبكة زي ما كنا متفقين وشاكر قاله ان ماما تعبت بالليل ونقلناها المستشفى وقالوا على عنوان المستشفى.
مكنتش عارفه اعمل ايه وبصراحة هو شاب كويس جدا وشكله فعلا محترم وأهله ناس طيبين واحنا خلاص قرينا فاتحة يعني المفروض مفكرش في طارق خالص لان طارق بالنسبه ليا وهم بيظهر ويختفي ومعرفش عنه اي حاجة لكن حسن هو اللي خطبني وهو ده الحقيقه اللي في حياتي.
حسن وقف جنبي وقالي ليه مكلمتنيش يا احلام عشان اكون معاكي اول لما مامتك تعبت
هزيت راسي وقولتله ما انا مش معايا رقمك وبعدين انا انشغلت في ماما ومكنتش قادرة افكر ومكنتش عارفه اعمل ايه!

مسك ايدي وقالي متقلقيش يا احلام انا معاكي وهكون جنبك لحد ما مامتك تقوم بالسلامة.
ابتسمت له بتوتر وسحبت ايدي من ايديه بسرعه وانا حاسه ان اللي بعمله ده خېانه ل طارق مع ان مفيش اي علاقة بتربطنا ببعض لكن كان جوايا احساس غريب ان انا من حق طارق ومش من حق اي حد تاني بس الاحساس ده غلط وكان لازم احاربه واتعايش مع حقيقة ان انا خطيبة حسن ومجرد التفكير في طارق ده الخيانه الحقيقيه... بقلمي ملك إبراهيم. 
.. يتبع 
وبعدين في عم الغامض بسلامته ده في غيابه غامض ومجنن البنت وفي حضوره غامض ومجننها برضه حبايب ملوكة عايزين تفاعل جامد على البارت هنزلكم هدية اول لما يوصل ل تعليق عشان يوصل لعدد كبير من المتابعين واتأكدوا انكم عاملين متابعة لصفحتي دي الكاتبة ملك إبراهيم عشان هعملكم مفاجأة هتوصل لمتابعين الصفحة فقط