روايه غرور وكبرياء عاشق الجزء ٤ و٥ و٦

لياجته وقالت انت اتجنيت صح 
شاورت على نغم وقالت اللى المفروض تكون مراتك اها واقفه اها
غسان بص على نغم وقال ده صغيره اوى يا ماما 
ثم بص لحور وقال ده اللى دخلت دماغى وبعدين انا اتجوزتها خلاص 
وفجاه قلم ينزل على خد غسان وده اول مره عفاف تمد ايدها على غسان 
حامد بخضه عفاف
رفعت ايدها وقالت محدش يدخل بينى وبين ابنى لو سمحتوا 
كان حاطط ايدو على خده وقال اي اللى عملتى ده 
قالت وايدها بترتعش انا المفروض اللى اسالك اي اللى عملتوا ده
غسان بصوت جهوري عملت اي غلط يا مدام عفاف 
حامد حط ايدو على كتف عفاف وقال اهدي اللى حصل حصل
زقته وقالت انت بتقول اي ده اتجوز اخت نغم اللى المفروض تكون مراته 
_وانا قولتلك ده دخلت دماغى ليه مصره على الصغيره 
منير بص لحور وقال من النهارده ولا انتى بنتى ولا اعرفك 
الجمله وقعت على حور عالصاعقه
_منير انت بتقول اي
منير مسك ايد ثريا وقال بصوت عالى نغم 
نغم انتفضت ومنير قال تعالى هنا 
نغم راحت عند منير فعلا وبصت لحور وكان في مليون سوال حائر في دماغها
_انسي أن عندك ام واب واخت فاهمه
الدموع نزلت من عين حور وقالت بابا انت بتقول اي
_انا مش ابوكى فاهمه 
ثم كمل يلا يا ثريا مالناش قاعده هنا
نغم مسكت ايد حور وقالت بعياط عملتى كده ليه 
منير مسك ايد نغم وشدها بالعافيه ومشوا 
عفاف خدت بعضها ومشت أيضا ليس عفاف فقط بل كل المعازيم
حامد راح عند غسان وقال بابتسامه متزعلش نفسك انا فرحان بقرارك ده اوى 
ابتسم وقال يلا يا حور
حور راحت مع غسان فعلا وركبوا العربيه متجهين الى القصر
بعد مرور ربع ساعه وتحديدا في منزل منير الهواري
_شايفه بنتك عملت اي يا ثريا 
_بس ازاى حصل كده حور كانت مع نغم طول الوقت 
_حور مشت قبل الفرح بساعه يا ماما 
_وانتى مقولتيش ليه يا نغم
الدموع نزلت من عين نغم وقالت انتوا مستوعبين كلامكم
ثريا بصت لمنير ونغم قالت بعياط حور عملت كده عشانى حور ضحت بنفسها عشانى 
منير پغضب مش عايز اسمع اسمها هنا تانى
نغم مسحت دموعها وقالت انا مش هسيب اختى يا بابا 
بعد ما قالت تلك الجمله دلفت الى اوضتها 
قعد على الكنبه وقال اتفضحنا خلاص 
قعدت جنبه وقالت مين قال كده وبعدين اللى حصل حصل 
قام وقال انتى بتقولى اي 
ثم كمل الناس جايه على اساس نغم اللى تتجوز حفيد السيوفي واتفاجات ان حور اللى اتجوزته
_مفيش حاجه هتتغير يا منير ولازم تتقبل ان حور اتجوزت خلاص
قلع الجاكيت ودخل الاوضه ورزع الباب وراء
في قصر الالفي
الجرس رن وماجده قامت عشان تفتح الباب
فتحت الباب وقالت بفرحه مراد
هز رأسه وقال اخبارك اي يا ماما
 وقالت وحشنى اوى فينك من زمان
بعد عنها وقال فتره يا ماما
_بيعمل اي الواد ده هنا 
مراد بص لتحت وقال اخبارك اي يا بابا
نزل من على السلم وقالطلع ليك اهل اهو انا فكرتك نسيت اهلك
_انا اسف يا بابا
_اطلع براا
ماجده پصدمه انت بتقول اي يا حازم ده ابنك
_لو فعلا ابنى زي ما بتقولى مكنش عمل كده يا ماجده مكنش ساب عائلته ومشي
_معلش يا حازم مهما كان ده ابنك
حازم بص لمراد وقال ويا تري جاي تسلم علينا ولا ترجع 
_جاي اسلم عليكم
حازم بعصبية شوفتى 
ماجده بصت لمراد وقالت ليه يا حبيبي ما تيجى تقعد معانا والله القصر وحش اوى من غيرك 
_فتره وهتعدي أن شاء الله 
قعد على الكرسي وقال كل ده عشان حفيده الحديدي نصحتك منها كتير ولكن حضرتك مشيت ورا قلبك
بص لتحت وقال كنت غبي
_طب تعالى اتفضل يا روحى
_انا اتاخرت اوى يا ماما مره تانيه
قعد يضحك وقال اتفضلى 
مراد خد بعضه ومشي وماجده قالت بانتهاد مراد
قام وقال انا مش عارف بتعملى كده ليه اوعك تنسي انه مشي ومسالش علينا خالص
_ما قالك فتره وهتعدي 
_قالها كتير اوى 
_هيرجع أن شاء الله
_اتمنى
في قصر عائله السيوفي
غسان نزل من العربيه وقفل الباب جامد اوى وخد بعضه ودخل 
حور نزلت من العربيه وبصت على القصر من برا وكان كبير اوى 
كانت قاعده على الكرسي ومتنرفزه اوى
غسان دخل وعفاف قالت بعصبية استنى عندك
وقف وعفاف راحت عنده وقالت انا مش متقبله البنت ده خالص 
غسان بص ليها وقال مش كنتى عايزانى اتجوز واهو اتجوزت مش فرحانه ليه 
عفاف بصت لتحت وقالت مكنتش عايزه ده