روايه جديده

اكتبهولك يا بنتى
اتفضلى
مشيت ساره وراحت على العنوان اللى هو اداهولها بقلم ندى الجندى
وصلت ساره للعنوان كانت شقه فى الدور التانى
خبطت ففتحلها شاب
الشاب ايوه
سلام عليكم
وعليكم السلام خير
ساره لو سمحت مش دا بيت الحجه ناديه
ايوه
امال هى فين
محمد بحزن أمى اټوفت من ٣ايام
ساره پصدمه ايه دى كانت لسه معايا وعيطت البقاء لله

ثانيه واحده هو حضرتك مين
انا ساره
ايه دا بجد طب ثانيه واحده دخل جابلها ظرف واداهولها
ساره ايه ده
ماما الله يرحمها قالتلى ادهولك وانا كنت هجيلك المسجد بس نسيت خالص
وكانت على طول تتكلم عليكى
ساره اخدت منه الظرف شكرا عن اذنك
نزلت ساره واتمشت فى الشارع
ساره لنفسها رجعتى لنفس النقطه تانى يا ساره
حسيت بدوخه وصداع جامد بس قاومت
ساره انا مش هاعيط تانى خلاص هتعود بقى على الصدمات المهم افكر هعمل ايه دلوقتي لفت تانى على كل المحلات تدور تانى على شغل بس برده كله قالها نفس اللى اتقالها قبل كده بصت فى الفلوس اللى معاها لقيتهم ٦٠٠جنيه راحت اشترت بجزء منها مناديل وخلت الباقى معها عشان تشوف لو هتبات فى حته بقلم ندى الجندى مشيت ساره فى الإشارات عماله تمسح فى العربيات وتبيع المناديل
جه عليها الليل بصت فى الفلوس اللى جمعتها النهارده كانوا خمسين جنيه
ساره طب وبعدين هبات فين بقى
لقت ساره مكتب عقارات
سلام عليكم
الراجل وعليكم السلام خير
لو سمحت مافيش عندك اوضه لايجار
الراجل بص على لبسها شكله قذر وهى باين علي خبرتها التعب
الراجل وانتى بقى معاكى ايجار اوضه وبصلها من فوق لتحت
ساره حست بإحراج شديد
عايزه اى حاجه اوضه على السطح حتى
الراجل حس انها غلبانه
انا عندى اوضه هديلهاك عشان حالتك دى ب٣٥٠ جنيه
ساره كان معها ٤٥٠
تمام
ممكن اروحها دلوقت وآدتله الفلوس
الراجل خدها بيت كده شكله وحش وقديم جدا
وطلعوا على السطح هى دى بقلم ندى الجندى
ساره تمام شكرا
الراجل بس اسمعى اول ما الشهر يخلص لازم تدفعى فلوس الشهر الجديد لهتمشى سامعه
ساره حاضر
ومشى الراجل
دخلت ساره الأوضه كانت مكركبه جدا وكلها تراب ومفهاش اى اثاث فقط كراكيب
نامت على الأرض من كتر التعب مش مهم اهم اوضه اهو احسن من الشارع
محمد راح لمروان فليته ها يا بنى لسه مالقتهاش
مروان بحزن لسه بدور كل يوم وما فيش فايده
عدى شهر على ابطالنا مروان مملش من المحاوله ولسه بيدور على ساره كل يوم وكل ساعه
ساره سمعت خبط على الباب
فتحت لقته صاحب الاوضه
ها يا حلوه النهارده اول الشهر فين الايجار
ساره انا لسه مجمعتوش ممكن ادهوملك على نص الشهر الجاى
لا ماليش فى الكلام ده انا قايلك من الاول الايجار اول الشهر ومافيش تأخير
ساره طب انا اعمل ايه انا بنزل كل يوم الصبح مرجعش غير باليل
ساره طب ممكن تاخد الخمسين جنيه دى عما اجبلك الباقى والله هى اللى معايا
الراجل خدها منها انا هسيبك لحد بكره لو الفلوس مجاتش اعتبرى
نفسك بره ومشى قبل ما يسمع ردها
ساره طب انا هجمعهم بكره ازاى
نزلت ساره فضلت طول اليوم تبيع فى المناديل وتمسح العربيات وملمتش غير ٤٠جنيه روحت الأوضاع قعدت ټعيط طب هتعمل ايه دلوقت ونامت من كتر العياط
الصبح سمعت خبط على الباب
الراجل ها جبتى الفلوس
ساره لا بس هجيبهم والنبى انا معنديش مكان تانى أروحه
ماليش دعوه خرجت ساره والراجل رمالها المناديل بره خدى المناديل بتاعتك اهى
نزلت ساره وقالت خلاص هشتغل دلوقتى واما يجى باليل ربنا يحلها وفضلت توزع المناديل وتمسح العربيات
مروان كان سائق عربيته لقى موبايله بيرن
رد الو يا محمد
محمد بعصبيه مروان كده كتير بقالك شهر مش بتيجى الشركه وكل حاجه على دماغى بطل بقى اللى انت بتعمله ده وارجع لشغلك وحياتك ايه مزهقتش ده انت بقالك اكتر من شهر بتدور بقلم ندى الجندى
مروان وهفضل ادور لحد ما الاقيها وقفل السكه
ساره فى الوقت دا حست بالتعب بقالها اكتر من اسبوع مش بتاكل عشان تحوش تمن الايجار واطردت فى الاخر بس فضلت تكمل عشان الفلوس اللى معاها ميجبوش حاجه
مروان كان واقف فى الاشاره شافها وهى بتمسح عربيه قدامه مبقاش مصدق نفسه بقى ينادى عليها بصوت عالى ساره ساره ساره
ساره سمعت حد بينادى عليها بصت شافت مروان فى العربيه اللى ورا اللى هى بتمسحها مروان نزل عشان يروحلها اول ماشافته جرت
مروان جرى وراها ساره استنى بقلم ندى الجندى