اسكريبت كامل

من التسعينات
ايوه 
ومتعرفش حد هنا ولا عارف تروح فين 
بالظبط 
وكل ماتكلم حد وتحكيلوا يقول عليك مچنون ناس قليلة ذوق حقيقي 
اه والله معاكي 
طيب يلا يامجنون امشي من هنا بدل ماأهينك اهانه قذره
ياأنسه اسمعيني والله انا مش مچنون انا اصلا مش عارف انا جيت هنا ازاي انا كل اللي فاكروا اني كنت بحاول اڼتحر وانا بنط من فوق الكوبري لقيتني وقعت من علي الرصيف هنا في 2021
وانا المفروض اصدقك ازاي 
وانا ايه اللي هيخليني اكدب عليكي 
انك عايز تصعب عليا واخدك معايا البيت وبعدين تقتلني انا واهلي وتاخد اللي حليتنا وتهرب 
بالله عليكي انتي حيلتك حاجه 
لا 
طيب يبقي خاېفه من ايه 
وجهه نظر برضوا بس مش هينفع اخدك معايا البيت اعمل ايه يارب اعمل ايه بس لقيتها انت هتقعد مع عمو ابراهيم البواب 
موافق 
طيب تعالي ورايا يا
عدي اسمي عدي 
وانا اريچ تعالي ياعدي أما نشوف هنعمل ايه في الحكايه الخياليه اللي انت بتقولها دي
كنت راجعه من الشغل عادي زي كل يوم وإذ فجأه اقابل واحد يقولي ارجوكي ساعديني ويحكيلي الحكايه دي انا في العاده اكيد مستحيل أصدق اي حد يحكيلي حاجه زي كده بس انا لمحت في عينه الصدق وخاصتا اني دكتوره ودارسه لغة الجسد علشان كده قررت اساعده بأي شكل
معلش ياعمي ابراهيم ازعجتك 
ولا يهمك ياست هانم عيوني ليكي 
تسلملي يارب 
كنت لسه هطلع لقيته بينادي عليا
لو مفيهاش إزعاج ممكن اي هدوم ألبسها علشان لبسي مش مناسب للمكان خالص 
حاضر هبعتلك هدوم مع عمي ابراهيم واكل والصبح هعدي عليك نحاول نتصرف بس اتمني متحكيش حكايتك دي لعمي ابراهيم احسن يضربك باللي في رجله ويطردك اسمع مني 
ضحك
حاضر تصبحي علي خير
ابتسمت له
وانت من اهله ياتسعيناتي
حكايه ميصدقهاش اي بني ادم عاقل بس انا مش عارفه انا ليه مصدقاه وعايزه اساعده قعدت تقريبا طول الليل ابحث وادور عن موضوع الفجوه الزمنيه كل اللي لقيته حواديت واشهر حدوته حكايه البنت اللي كانت خارجه مع خطيبها وفجأه خطيبها زي ماتكون الأرض بلعته قدام عنيها ووقتها الناس قالت إنه اتسحب للعالم السفلي شوفت حكايات كتير بس كلها حكايات مفيش حلول ولا اي حد من اللي اختفوا دول اتقال أنه ظهر في عالم تاني او زمن تاني
صباح الخير ياأستاذ ابيض واسود
ابتسم ودي تقريبا اول مره اخد بالي أن ضحكته حلوه وعنده غمزات
صباح النور 
عرفت تنام امبارح كويس ولا عمي قصه حياته
ده عمي ابراهيم ده راجل عسل والله 
قولها يابني وسمعها 
قعد لحد الساعه 2بالليل مش راضي يسيبني انام وهو بيحكي ازاي قدر يجيب ورثه من عيلته المفتريه 
ياريتك ماقولتلها يابني 
ضحكنا احنا الاتنين وقعدنا فطرنا سوا وبعدين روحنا نتمشي علي البحر شويه ونفكر في حل 
عدي انا كل اللي شوفته وقريته لحد دلوقتي مجرد حكايات بحثت في كل مكان عن حل بس ملقيتش
شوفتي فين 
علي النت 
ايه النت ده 
اه بص النت ده حاجه كده بتخلينا واحنا في اي مكان نقدر نشوف كل اللي بيحصل حوالينا ونتواصل مع أحد في بلد تانيه ونعرف اي معلومه احنا عايزينها كله عن طريق الانترنت اللي علي التليفون 
بصلي باستغراب 
انا مش فاهم حاجه صدقيني بس اكيد مع اختلاف الوقت العالم تقدم انا اصلا اخر حاجه شوفتها كانت في زمني كانت التليفون الارضي معرفش اي حاجه تاني من اللي انتي بتتكلمي عليه 
انت شكلك مثقف انت شغال ايه 
انا ياستي مهندس معماري 
فضلنا ساكتين شويه وباصين للبحر حكايه ولا في الافلام بتحصل حواليا انا عارفه أن الموضوع صعب عليه بس مش عارفه ليه هو مش مضايق من وجوده هنا حتي