روايه احمد و اسيا

يا حبيبتي.
آسيا وأنت من أهلي يا حبيبي.
أشرقت شمس يوم جديد وكان التغيير من اليوم دا صحيت آسيا في ميعادها بس استغربت لما لقت آدم مش جنبها راحت لسرير أسيل عشان تشوفها بس ملقتهاش استغربت اووي وطلعت تدور عليهم ملقتهومشي بس سمعت دوشة في المطبخ وضحك أسيل فقربت من المطبخ لقت آدم بيعمل الفطار ومقعد أسيل على الرخامة قدامه وبتضحك.

فرحت اووي وحست بالدفء اللي كان نفسها فيه من زمان وقد أي آدم أب حقيقي ويستاهل كل خير.
قربت منه من ضهره وقالت صباح الجمال على حبيب عمري وأيامي.
آدم لفلها بجسمه وباسها بحب وقال صباح كل حاجة حلوة على العيون اللي سحرتني.
آسيا بخجل وحب دايما بتغلبني كدهون.
آدم بضحك مرة من نفسي.
آسيا بس أي الجمال دا وكمان پتخوني مع أسيل.
آدم هو أنا أقدر أخونك يا قلبي وبعدين أسيل دي حتة من قلبي.
آسيا بغيرة والله أمال أنا أي
آدم ضحك جامد وقال أنتي قلبي كله وبعدين أنتي بتغيري من بنتك!
آسيا بعبوس أنا بغير عليك من نفسي أصلا يا آدم.
آدم حاوطها من وسطها ولاعب أنفه بأنفها وقال محدش يقدر ياخدني منك دا أنا واقع في غرامك من سن عمري.
آسيا تعرف إني بحبك اووي.
آدم عارف أنا أصلا أتحب.
آسيا أي يا بني التواضع دا كله
آدم قولتلك قبل كدا كله إلا التواضع.
آسيا طب خليني أنا أكمل الفطار يا حبيبي وارتاح أنت.
آدم لا أنتي اللي ترتاحي أنا عايز أعملك فطار بإيدي.
آسيا طب أنا هفضل هنا أتفرج عليك.
آدم كما تحبي مولاتي.
_____________ بقلمي ريهام أبو المجد ____________
آسيا ضحكت ووقفت وراه ومسكت في التيشيرت بتاعه وفضلت تطلع دماغها لأسيل وتلاعبها وتستخبى منها تاني وأسيل فضلت تضحك وآدم كمان وكانوا مبسوطين اووي وقاعدين في جو جميل.
وبعد ما خلصوا فطروا سوا في البلكونة مع المشروب بتاعهم وآسيا شايلة أسيل وبتلاعبها وآدم بيأكل آسيا وهي فرحانة اوي وبتحمد ربنا على العيلة الجميلة دي وعلى وجود آدم في حياتها.
سمعوا الباب بيخبط فقامت آسيا تفتح الباب لقت ياسمين فياسمين قالت وهي حاطة وشها في الأرض أنا أسفة.
آسيا ابتسمت ياسمين حبيبتي ارفعي راسك.
ياسمين ارفع راسي إزاي وأنا كنت سبب في اللي حصلك
آسيا مسكت إيدها بحنية وقالت ياسمين أنتي أختي الصغيرة وأنا لو كنت ندمانة على حاجة فندمانة إني مقولتش لآدم بس أنا مش ندمانة إني عملت عشانك كدا يا حبيبتي أنتي أختي ولازم أقف جنبك.
ياسمين ابتسمت وقالت يعني بجد مش زعلانة مني
آسيا لا يا حبيبتي عمري ما أزعل منك.
ياسمين جامد وقالت تعرفي إني بحبك اووي ربنا ميحرمنيش منك ابدا يا آسيا.
آسيا ضحكت وقالت ولا منك يا قلبي.
ياسمين بهمس هو آدم صالحك ولا لسه
آسيا بضحك تعبني اووي على ما صالحني يا ياسمين.
ياسمين هو فين دا وأنا أجبلك حقك منه
آدم من وراها وهو ماسكها من قفاها سمعيني كدا بتقولي أي يا حبيبتي
ياسمين پخوف كنت بقول أخويا آدم دا ملاك حتى أسأل آسيا.
آسيا بضحك ايوا صح يا رب سامحني على الكدب دا.
آدم ضحك وقال يخربيت هبلكم أنتم بتبوظوا دماغ بعض.
قضوا اليوم سوا ومنى طلعت قعدت معاهم وآدم فضل يلاعب آسر وأسيل.
آسر ممكن أشيل أختي أسيل يا ماما آسيا.
آسيا طبعا يا قلبي تعالى.
آسر هااااي شكرا يا ماما.
آسيا وهي بتبوسه قلب ماما أنت يا آسر.
قضوا وقت جميل مع بعض وعصام طلع قعد معاهم بردك وأخيرا بقوا عيلة حلوة.
_____________ بقلمي ريهام أبو المجد _____________
وعلى الناحية التانية كانت سماح طالعة تجيب طلب من برا ومقالتشي لحد وهي بتعدي الطريق عربية خبطتها والناس نقلوها المستشفي وفجأة وهم كلهم قاعدين سوا موبايل آدم رن برقم أمه فاستغرب وفتح الخط.
آدم السلام عليكم ورحمة الله وبركاته محتاجة حاجة يا أمي
رد عليه راجل غريب وقال حضرتك صاحبة الموبايل دا حصلها حاډث ونقلناها للمستشفى دلوقتي.
آدم پصدمة أنت بتقول أي طب اديني عنوان المستشفى.
كلهم اتخضوا من حالة آدم وبالذات لما قال مستشفى فآسيا قربت عليه وقالت آدم حصل أي يا حبيبي
آدم پخوف وصدمة أمي عملت حاډثة ونقلوها للمستشفي.
ياسمين وعصام پصدمة أنت بتقول أي مستحيل.
ياسمين اڼهارت وقالت بصړاخ ماما لا.
آسيا وحاولت تهديها هي ومنى وآدم اتحرك بسرعة وقال يلا يا عصام تعالى معايا بسرعة.
ياسمين استنى هاجي معاكم.
آدم خليكي يا ياسمين هنا ومټخافيش يا حبيبتي.
ياسمين لا هاجي معاكم.
آدم بص لآسيا وهي فهمته وقالت اهدي يا حبيبتي هم هيروحوا واحنا هنلحقهم.
وفعلا آدم وعصام وصلوا المستشفى وعرفوا أن حالتها صعبة وهي في أوضة العمليات دلوقتي وآدم كان حزين اووي على
حال أمه وعارف أن دا ذنب آسيا وذنب منى وأحمد والأكتر آسيا وأمها.
اتأخروا اووي وياسمين مكنتشي مبطلة عياط وعايزة تطمن على سماح وآسيا اتصلت بآدم أكتر من مرة بس مردش لأنه كان مشغول في الإجراءات وكان تليفونه صامت فآسيا اتصلت تاني فهو رد المرة دي.
آدم بتعب ايوا يا آسيا.
آسيا بلهفة أنت كويس يا آدم
آدم كويس يا حبيبتي متقلقيش.
آسيا طب