روايه سلاما علي

يعني إبقي تعالي وأه صح عامله إي في دراستك
حسيت بخنقة من الكلام معاه وحبيت أقفل الموضوع ومسكا سهام من ايديها ومشيت وأنا بقوب
أه كويسة عن إذنك بقي عشان متأخرين علي واحدة صحبتنا
إتنهد بعد مامشيوا وإتأكد إنه خسرها خالص وكله بسبب ياسمين اللي كرهه ليها في قلبه كل يوم بيكبر عن اللي قبله هي السبب في كل حاجة وحشة في حياته رجع البيت ودخل ينام من غير مايكلمها وهي مادتلهوش إهتمام

عند إسراء وسهام
كلمتيه بالطريقة دي ليه يابنتي
عادي ياسهام وبعدين دا جوز أختي اللي محرم عليا كدا كدا مش هينفع أكلمه ومبقتش بطيقه مش عارفة ليه
أحسن برضوا سيبك منه خلينا في دكتور هيثم القمر دا
خلصت كلامها بغمزة بصيتلها بتوتر وقولت
علي فكرة أنا وهيثم صحاب بس
ماشاء الله بقينا نقول هيثم بس أهو من غير دكتور
هو اللي قالي أقوله كدا يارخمه
ماشي هعديهالك كدا كدا أصلا أنا عارفة إن نهايتها يادبلة الخطوبة وعقبالنا كلنا ويايايا ياسهر الليالي
ضړبتها في كتفها وقولت
بس يارخمه هانم ويلا بقي علي بيتك أنا وصلت أهو
بتطرديني من الشارع وعشان مين عشان هيثم!!
ضحكت عليها وقولت
يلا يابت بقي سلام
أول مادخلت لاقيت بابا بيقولي
جهزي نفسك عشان متقدملك عريس وأنا وافقت
إتصدمت وقولت
وافقت إزاي يابابا من غير ماتاخد رأيي!
ماتنسيش إني حلفت إن أول حد هيخبط ع الباب هرميكي ليه وبعدين هو كويس
بكيت وأنا بقول
يابابا حرام عليك متعملش فيا كدا لو كلام أختي صح شوفتني قربت مت بيتها ولا حاولت أتواصل معاهم متضيعش مستقبلي والنبي وسيبني أنا اللي أختار
إتكلم بابا بحزم وقال
أنا قولت اللي عندي وإديت كلمة للراجل وهتقابلوا بعض بالليل في الرؤية الشرعيه ولو عملتي آي حاجة تخليه يطفش هندمك طول عمرك ياإسراء فاهمة
يتبع
الحلقة الخامسة
دخلت جري علي الأوضة بتاعتي وأنا مڼهارة من العياط هو ليه بيعمل معايا كدا أنا من حقي إني أختار الشخص اللي هكمل معاه حياتي أنا إبتديت أحب هيثم مش معقول قلبي هيتكسر مرتين وفي المرتين من أقرب الناس ليا مرة أختي ومرة بابا دخلت ماما بعدها بشوية عشان تقولي أحضر نفسي عشان العريس قرب ييجي حاولت أستعطفها وقولت
ياماما عشان خاطرى إعملي آي حاجة أكيد مش هتجوزوني ڠصب عني يعني ياماما
أبوكي قال كلمته وبعدين دا أبوكي هو هيعمل حاجة تضرك أكيد عارف مصلحتك يلا بقي عشان ورايا حاجات كتير هعملها في الشقة وإجهزي بسرعه قبل ما الراجل ييجي
وسابتني وخرجت وانا قعدت مصډومة وأنا دموعي لسة مستمرة في النزول عدا ساعه والعريس جه سامعه صوت والدته وسامعه صوت عيلتي وهما بيسلموا عليهم وبيضحكوا مكنتش لسة لبست دخلت ماما وشهقت من منظرى وقالت
إي اللي إنتي عاملاه في نفسك دا هتقابلي الراجل ازاي بمنظرك دا كدا
كانت عيوني وارمة من العياط ووشي منفوخ ومحمر رديت عليها ببرود وقولت
أنا هقوم ألبس واطلع عن إذنك
وروحت زقيتها وطلعتها برا وقفلت الباب ولبست وأنا بعيط ڠصب عني وطلعت وأنا باصة في الأرض وفضلت قاعدة باصة في الارض مش سامعه صوت للعريس دا هو بتاع بابي ومامي ومكسوف ولا اي لسه هتجرأ واعرف عيني سمعت بابا بيقول
نسيبهم بقي مع بعض شوية
وسابوني معاه وخرجوا ومجاليش الجرأة إني أرفع عيني عليه وإحنا لوحدنا
للدرجة دي رافضاني ومش عايزاني?
ثانيه ياجماعه هو أنا بحلم!!
هو دا صوته ولا انا بيتهيألي!
بصيتله بسرعه وكان فعلا هو وإتصدمت وقولت
هيثم!
إنت بتعمل اي هنا
لأ ابدا مفيش كنت جاي أشم هوا وإنتي
رديت بغباء
دا بيتي أصلا
بصلي بغيظ وقال
دا علي اساس إن دا مكان بييجوا يشموا فيه هوا جاي أطلب إيدك ياغبية
بس.. بس إنت مقولتليش حاجة زي دي
مش لازم أقولك يعني حبيت أعملهالك مفاجأة بس شكلك رافضاني
رديت بسرعه من غير تفكير
لأ مش رافضاك
ركزت فياللي قولته وإتوترت وهو إبتسم ف قولت بسرعه
قصدي يعني مكنتش مفكراك إنت
برضوا بنيل الدنيا تاني فضلت السكوت عشان لو إتكلمت تاني غالبا هقوله بحبك وقد اي هو زي القمر بالبدلة السودا والقميص الأبيض وشعره الجميل دا بس لأ أنا مش مركزة معاه خالص
طب أطلع أقولهم إني رافضة
ماخلاص بقي إنت إستحلتها قوت مش رافضاك
بعدين كملت بإبتسامة سخرية
وحتي لو رافضاك هتجوزك برضوا
يعني إي مش فاهم
لأ مفيش حاجة
دخل بابا والكل بعد ماخلصت علي طول وسأله بابا
هاا يابني نقول مبروك
إبتسمله هيثم وقاله وهو بيبوصلي بحب
قول ألف مبروك مش مبروك واحدة
أتكسفت من نظرته وبصيت في الأرض وأنا من جوايا فرحانه جدا ويمكن دي الحاجة الوحيدة اللي هشيلها جميل لبابا رغم إنه مش عارف بموافقتي عليه من قبل ماييجي أصلا
حددوا ميعاد الخطوبة الخميس الجاي يعني فاضل 4 ايام يادوب ألحق دخلت نمت وأنا مبسوطة جدا تاني يوم صحيت علي خبط علي باب الأوضة قومت فتحت وإتلاقيتها ياسمين بصيتلها ببرود وقولت
عايزة إي ياياسمين
ياسمين بخبث وإبتسمة شيطانية
مش هتستقبلي أختك الوحيدة ولا اي دي حتي أول زيارة ليا بعد الجواز من مروان
إتكت علي أخر جملة وهي مبتسمة بخبث
إبتسمتلها بسخرية وقولت
لأ مش هستقبل أختي اللي خانتني وطردتني من فرحها وعن إذنك بقي عشان مش فاضية
كنت هقفل الباب في وشها تحت صډمتها من إني برد عليها بقوة بس أفتكرت وقولت
أه صح ياياسمين بالمناسبة خطوبتي علي هيثم اللي بحبه يوم الخميس الجاي متبقيش تيجي يلا عن إذنك عشان ألبس وأنزل أجيب الفستان
قفلت الباب في وشها وهي مصډومة والغل بياكل فيها اللي زي ياسمين أختي لازم تعاملها بالمثل أو تتجنبها عشان تقف عند حدها وأنا قررت إني مش هكون ضعيفة تاني وبعدها لبست ونزلت
ياسمين قاعدة برا مع باباها ومامتها وهي ډمها محروق فسألها عز
مالك يابنتي من سلعة ماجيتي وإنتي ساكتة ومتوترة في اي إتخانقتي إنتي ومروان اروح أكسرلك رقبته
لأ يبابا متخانقتش أنا ومروان ولا حاجة أنا بس جاي اقعد معاكم شوية عشان وحشتوني
إتكلمت مامتها
هو مروان مجاش معاكي ليه صح
ياسمين بلا مبالاة
مقولتلهوش إني نازلة أصلا وسايباه نايم
رد أبوها بسرعه
إزاي متقوليلهوش ياياسمين دا جوزك
عادي بقي يابابا مش حوار يعني هو لازم استأذنه في كل حاجة كدا
ردت أمها
أه لازم ياياسمين إزاي تنزلي من غير ماتقوليله يعني
ياسمين بزهق
خلاص بقي ياجدعان مش حوار هو انا جاية أقعد معاكم مش نتكلم عنه دا أصلا بيعاملني وحش
سألها باباها بإستفهام
بيعاملك وحش إزاي يعني
تخيل محسسني أني الشغالة اللي حابتهاله أمه يصحيني الصبح عايزني أحضرله الفطار وعايزني أهتم بنضافة البيت كله ولما يلاقي حاجة يقعد يزعق ويقول إني مهملة ماطبيعي ماأقدرش أعمل حاجات البيت كلها لوحدي وكمان هتعب وانا اصلا مش بعرف أطبخ فيها حاجة لو جاب كل يوم اكل من برا يعني!!
شهقت أنها وقالت
يانهارك إسود ياياسمين ما دا طبيعي مانا بعمل كل حاجة دا بيتك ولازم تهتمي بيه اومال لو جالك عيال بقي
لأ ماهو أنا مش هخلف مچنونة أنا عشان ابوظ جسمي وشكلي عشان حتة عيل
إتكلم والدها
حتة عيل!!
يابنتي متتكلميش كدا غيرك بيتمني ضفره
سابتهم بيتكلموا ومسكت التليفون وقالت
أه ان شاء الله خلاص بقي عشان مش عايزة اتكلم دلوقتي
عند إسراء
نزلت هي وهيثم يشتروا الفستان وبعد تدوير كتير جداا وأخيراا أشتروا الفستان بهزر معاكم لسة في الأتيليه
يابنتي خلصي بقي دا
 الفستان رقم 70 اللي تقيسيه
مالازم أختار واحد محصلش ياهيثم إستني هقيس دا كدا عيني منه
دخلت قاست الفستان وطلعت لهيثم اللي كان نايم علي الكنبة برا ندهت عليه بصوت عالي عشان يقوم
إي في اي
بوص كدا دا هو دا اللي انا بتمناه واللي عيني شايفاه أحسن
بصلها هيثم بإنبهار وقال
ماشاء الله جمل اوي بجد بس لأ يستحيل تلبسيه وبعدين دا ديق
ياهيثم متهزرش دا أنا ماصدقت عجبني واحد يقوم ميعجبكش إنت
أعملك إي يعني ديق لأ هاتي واحد أوسع
يوووه
مش عاجبك ولا اي
قالت بطفولية وڠضب
لأ عاجبني
وبعد ساعتين إختاروا فستان أخيرا متفقين عليه هما الإتنين
عند مروان
صحي من النوم مالقهاش في البيت وسأل مامته عليها قالتله مش عارفة لبس ونزل راح علي بيت أهلها يشوفها هناك والڠضب كان متملكه خبط علي الباب وهي اللي فتحت دخل پغضب وقفل الباب وراه
إنتي إي اللي نزلك من غير إذني وقافلة تليفونك ومخلياني بدور عليكي زي العيل الصغير كدا ليه
ردت عليه ببرود
جيت أزور أهلي يامروان في اي معملتش حاجة غلط
زعق مروان
لا عملتي حاجة غلط يامتربية مش قرطاس أنا عشان تنزلي من غير ماتقوليلي
خرج باباها ومامتها علي الزعيق وقال باباها
في اي يامروان يابني
الهانم بتقرطسني وبتنزل من غير إذني ومش شايفة انها عملت حاجة
طب إهدي يابني طيب وكل حاجة هتتحل
زعقت ياسمين وقالت
إنت بتكلمه بهدوء كدا ليه يابابا هو مكبر الموضوع كدا ليه وهو ماله اصلا انزل وقت مانا عايزة وارجع وقت مااحب هو انا عيلة صغيرة عشان استأذن البيه سبع البرمبة
خلصت جملتها وإتلاقيت قلم نزل علي وشها من مروان وهو بيقول
أنا سكتلك كتير أوي ياياسمين
زعق والدها وقال
إنت إزاي تمد ايدك عليها
هي تستاهل أكتر من كدا بعد اللي عملته فيا وفي أختها
بصله والدها بإستفهام وقال
عملت إي فيكم?
الهانم مفكراني معرفش بس أنا عرفت كل حاجة ولكن للأسف متأخر اوي الهانم كانت عارفة بإعجابي لأختها بس جات وقالت قدامي إن أختها إسراء بتحب واحد تاني عشان ابعد عنها وكانت بتجيلي كتير وخدنا علي بعض ومثلت قدامي شخصية تانيه غير شخصيتها الحقيقية اللي إتصدمت فيها بعد الجواز وخسړت إسراء للأبد وبالرغم من إنها عارفة إن إسراء كانت معجبة بيا ولكنها كملت وبعد ماإتجوزنا وبعدت بيني انا وإسراء لسبب هي لوحدها اللي عارفاه لإني دلوقتي أتأكد إنها مش بتحبني بانت علي حقيقتها بشخصيتها القڈرة
بصلها والدها پصدمة
الكلام دا بجد ياياسمين
أتكلم مروان بعصبية
أيوا بجد وبالمناسبة أنا هتحوز واحدة تانيه والدتي مختاراهالي وأكيد احسن منك ومتربية وتعرف تحترم جوزها..إنتي طالق ياياسمين
وسابهم ونزل وسط صدمة ياسمين ودموع أمها وعصبية أبوها
إتكلم الأخير وقال
مكنش عشم تربيتي فيكي أبدا الظاهر إننا دلعناكي بزيادة وآدي النتيجة مطلقة وانتي صغيرة وجوزك مش طايقك وبيعيب في تربيتنا وليه حق أنا غلطت في حق إسراء وكله كان بسببك
إتكلمت أمها وهي پتبكي
ياعيني عليكي يابنتي ضغطنا عليها جامد وهي مش المذنبة
بعد شوية رجعت إسراء من برا وطلعت بعد ماودعت هيثم وطالعه وهي مبسوطة ولكنها إتلاقيت البيت في حاله من التوتر والسكوت مهتمتش وكانت داخله أوضتها ولكن وقفها صوت أمها وهي پتبكي
إسراء حبيبتي إستني
حقك عليا ياأسراء سامحيني يابنتي والنبي علي اللي كنا بنعمله فيكي والمعاملة الليكنا بنعاملك بيها إحنا عرفنا كل حاجة من مروان وعرفنا إن ياسمين هي اللي عملت كل دا حقك علينا يابنتي وأهي بتتعاقب وبقت مطلقة في سن صغير ومكمل علي جوازها 3 شهور
بصيتلها ياسمين ببرود يتنافي مع العواصف اللي بداخلها وقالت
وقت المسامحة ليكي إنتي وبابا فات من زمان لما كنت بترجاكم تصدقوني بنتك رغم إن هي اللي واخدة الإهتمام ولكن الغل لللي جواها غلبها وإنتوا صدقتوها
قامت ياسمين بعصبية وبكاء وقالت
لو انا واخدة الإهتمام من ماما وبابا بس فإنتي واخداه من كل الناس آي حد بيشوفك بيحبك إنتي أكتر عشان طيبة ومش متكبرة زيي زي مابيقولوا وحتي التعليم إنتي كملتي لحد جامعه وأنا خدت دبلوم
ردت عليها إسراء ببرود إكتسبته في الفترة الأخيرة
مش مبرر خالص لكل الغل اللي جواكي إنتي اللي أختارتي كل حاجة في حياتك محدش أجبرك وعن إذنكم عشان ورايا حاجات كتير أعملها عشان خطوبتي قبل..
وبصت لوالدها اللي باصصلها بندم وكملت
قبل ما أغور في داهيه من هنا
قالت جملة والدها وهو كان بيبوصلها بكل ندم وعرف إن وقت السماح عدا وفات قعدت مامتها وهي پتبكي وبتقول
منك لله ياياسمين ضيعتي نفسك وضيعتي أختك مننا
عدت الأيام وجه يوم الخطوبة وكانوا مبوسطين جدا..
جات سهام عند إسراء اللي قاعدة في الكوشة وقالت
ماشاء الله زي القمر بجد
إنتي اللي قمرين
عايزة أقولك علي حاجة قد كدا
قد كدا
أيوا
قولي ياستي
أنا هحصلك بعد شهر
بصيتلها إسراء بعدم فهم ف كملت وقالت
كان في واحد أسمه ماجد في الكويت بيشتغل مع بابا وكلمه عليا وكدا ولما بابا سألني إمبارح وخد موافقتي قال إنه نازل مصر بعد شهر معاه وهيعملوا خطوبة
محكتليش عنه دا
لإنه كان مجرد إعجاب ومكنتش أتوقع أصلا إن الموضوع يكبر كدا بس طلع هو كمان واقع
غمزتلها أسراء وقالت
الحب ۏلع في الدرة هاا وكنتي قارفة أهلي أنا وهيثم تلميحات وإنتي كمان واقعه الله يسهلووو
بس بقي يازفته هتفضحيني أنا هروح اشوف الناس اللي هناك دي
ضحكت وقولت وانا بغمزلها
ماشي
لفيت لهيثم اللي أتكلم
علي فكرة أنا أسعد شخص في العالم
ردت عليه إسراء بإبتسامة
عشان خطبتني يعني
لأ
نعم!
عشان إتخبطت أحلي خبطة في حياتي اللي خلتني أشوفك وأعجب بيكي..أول علاقة حب تنشأ بين إنسان وخبطة
ضحكت إسراء عليه وقالت
أنا بحبك أوي علي فكرة
يالهوي علي الحلاوة قوليها تاني
لا هي بتيجي مرة واحدة بس
إتكلم هيثم بجدية
هتسامحي أهلك ياإسراء مش كدا
إتنهدت إسراء وقالت
يمكن هسامحهم في يوم بس مش دلوقتر ومش عارفة إمتي بس دلوقتي مش هقدر لسة الشرخ اللي عملوه في قلبي مطابش
بصلها وإبتسم
وعد هعوضك عن كل دا لإني بحبك
وانا بحبك أكتر ياهيثم
قد يكون العالم بأكمله في منتهي القسۏة ويأتي ضوء في نهاية الطريق المظلم علي هيئة شخص ليكون لك كل ماتمنيت يوما ويكون لك هو الحنان بذاته
تمت