روايه صبا وعزيز الجزء الرابع بقلم زهرة الربيع
قاله من جوه قلبي اسف
الكل حرفيا كان مصډوم ان عزيز بيعتذر وقدام الكل كده وخصوصا سمر اللي كانت هتطق اما صبا كانت حرفيا اجمل لحظه بنسبالها متعرفش ليه حست بسعاده لانه كلمها بذوق كده لدرجه مقدرتش ترد اخدت اسيل وطلعت وهيه مستغربه وفرحانه جدا
اما انور فحس بحزن شديد من اللي اخته قالته وقال..امتى ما تحبه نكتب الكتاب انا جاهز وكان هيخرج بس عزيز قال..استني
انور بصلو وقال بضيق..نعم
عزيز قال..والفيديوهات امتى هتمسحهم
انور بصله بسخريه وقال..اعتبرهم اتمسحو اكيد مش هفضح مراتي وطلع من السرايا وكل كلام صبا بيتردد قدامه وشكل اسيل ودموعها مش مفارقه..صبا نيمت اسيل على سريرها وفضلت جمبها وقالت..اسيل انتي كويسه
اسيل بصتلها بدموع وقالت..قلي قلي بحبك قلي انتي احلى حاجه حصلتلي يا اسيل قلي هسيب الدنيا كلها وانتي لا مش مصدقه انه انه عمل فيا كده طلع بيضحك عليا طب انا ليه كنت حاسه ان كل حاجه بنا كانت من قلبه معقوله انا هبله وساذجه كده معقوله ضحك عليا من غير ما حس
صبا كانت زعلانه جدا عليها وحاسه بالذنب من ناحيتها قالت..انا اسفه يا اسيل بعتذرلك بالنيابه عنه ومتقلقيش والله هيتجوزك وهيمسح الفيديو و
صبا اتنهدت وقالت..لا هفضل معاكي لحد ما تنامي مش هسيبك
وقعدت جنبها لحد ما اتأكدت انها نامت واخدت تمار وراحت اوضتها قعدت تمار على السرير وجابت لها العاب ودخلت تستحمى عزيز كان قاعد مع عيلته ومضايق جدا على موضوع اسيل وحس بصداع وكان هيطلع بس ابوه قال..عزيز
عزيز بصلو وقال..نعم يا بابا
صفوان قال..البنت دي مفيش منها صدقني مش زي اي حد
عزيز اتنهد وقال..عارف بس متحلمش كتير يا بابا برضه في النهايه هي ست فبلاش تتأمل على الفاضى
مازن ضحك وقال..متقلقش يا بابا صبا كده كده هتفضل مرات ابنك مش هتخسرها
صفوان قال..يعني ايه مش فاهم
مازن قال..مش شرط تفهم يا حج يلا عن اذنك وطلع على اوضته
عزيز طلع اوضته واول ما فتح الباب اتفاجأ بصبا رابطه عيونها وبتجري ورا تمار وبيلعبو وتمار كانت بتضحك جامد وصبا بتقول..فاكره اني مش هلاقيكي يعني هتهربي مني فين
ولسه بتتحرك خبطت في عزيز وكانت هتقع بس عزيز شدها عليه وسندها وكانت بين اديه صبا بلعت ريقها بتوتر لما اتأكدت انه عزيز من البرفان بتاعه وقلبها دق جامد حاولت تبعد بس كان ماسكها جامد وشال الشريط من على عيونها وفتحت عنيها بارتباك وجات عيونها في عيونه وكانت ما بينهم نظرات جميله جدا فيها كلام مستحيل يقولو اللسان عزيز بلع ريقه بتوتر شديد من دقات قلبه اللي زي الطبل وقال بهمس..مش تاخدي بالك كنتي هتقعي
عزيز سابها وبص بعيد وهو متفاجأ من نفسه ليه بيحب قربها ونظراتها بتنسيه الدنيا قال..احم انا انا كنت عايز اقول حاجه بس نسيتها
صبا ضحكت بخفه وقالت..اهدى شويه وهتفتكرها
وبصت على تمار وقالت..يلا يا توته علشان تاخدي الشور بتاعك يلا انتي وعدتيني بعد ما نخلص العبه وادينا خلصنا
تمار ضحكت وقالت..لا انتي مش قبضتيني
صبا قالت وهيه بتشيلها..خلاص قبضت على بابا كفايه
لسه هتدخل بيها الحمام عزيز قال..مفيش داعي تتعبي نفسك مع تمار هي عندها واحده بتاخد بالها منها
تمار قالت بسرعه..لا انا عايزه روبانزل
صبا قالت بابتسامه..شوفت اهي عايزه روبانزل وانا اصلا مش بتعب انا بتسلى معاها ودخلت بيها على الحمام
عزيز غمض عنيه واتنهد وقلبه بيدق جامد قال..وبعدين في الحاله دي ايه اللي بيحصل بالظبط ايه حكايتك يا عزيز لا اكيد لا يعني
وطلع من الاوضه وهو بيحاول يشيل اي افكار من دماغه صبا خلصت حمام تمار ونشفت شعرها وكانت بتمشط شعرها وتمار قالت..خلينا ننزل نلعب انا وانتي في الجنينه
صبا ضحكت وقالت..مينفعش بابا مش هيرضى انزلي لوحدك
تمار قالت..لا وحياتي ننزل نلعب سوا
صبا اتنهدت وقالت..طيب هسأله الاول بس لو مرضيش
تمار قالت بضحك..لا هيرضى
صبا ابتسمت وقالت..طيب يا ستي هسأله و
بس قطع كلامها صوت خبط على الباب حطت الطرحه على شعرها وفتحت وكان مازن اتنهدت بضيق وقالت..نعم
مازن قال بارتباك..احم انا انا كنت جاي اقولك كلمتين
بصي بصراحه هو كلامي متأخر بس مش قادر مقلهوش انا الصراحه زعلان من نفسي جدا وندمان كمان على اللي عملته معاكي عزيز معاه حق انتي تستاهلي الاعتذار انا عارف انك ممكن متقبليش اعتذاري بس انا حقيقي اسف انتي انهارده باللي قولتيه حسستيني قد ايه انا صغير وزي ما انتي قولتي حيوان انا بعتذر عن اللي عملته سامحيني
صبا اتنهدت وقالت..حصل خير يا مازن انا صحيح منستش اللي حصل
